Ino Galparsoro Arrasateko EAE-ANVko alkatearen kontra zentsura mozioa bultzatzea erabaki du PSE-EEren Gipuzkoako zuzendaritzak. Horretarako, harremanak hasiko ditu "berehala" Udaleko beste alderdiekin. Atzo arratsean hartu zuten erabakia Gipuzkoako sozialistek, "ahobatez".
Zentsura mozioaren helburua EAE-ANV alkatetzatik kentzea eta "gobernu plurala" osatzea dela nabarmendu dute.
Joan den ostiralean ETAk Isaias Carrasco PSE-EEko zinegotzi ohia hil zuela-eta sortu dira Arrasateko alkatetzaren kontrako ekimenak. EAE-ANVk ez zuen gaitzetsi atentatua, eta, ondorioz, EB-Zutikek hautsi egin zuen udaleko gobernu akordioa. PPk, berriz, zentsura mozioa iragarri zuen, eta gaur gauza bera egin du PSE-EEk. EAko lehendakari Unai Ziarretak, berriz, atzo adierazi zuen aztertzen ari direla zentsura mozio bat aurkeztuko balitz zer egin.
EAE-ANVk zazpi zinegotzi ditu; EAJk eta PSE-EEk launa; EB-Zutik koalizioak hiru eta bana EAk, PPk eta Aralarrek.
Atentatua Arrasaten
Arrasateko Udaleko beste alderdiekin harremanetan hasiko da PSE, zentsura mozioa bultzatzeko
EAE-ANV alkatetzatik kendu eta "gobernu plurala" osatzea litzateke helburua. PSE-EEren Gipuzkoako zuzendaritzak bultzatu eta babestutako ekimena da.
Iruzkinak
Ez dago iruzkinik
Ordenatu
