ARRIOLA, TREN BERRIAK PROBATZEN

Iñaki Arriola Etxebizitza, Herri Lan eta Garraio sailburuak Donostia aldean ibiliko diren Euskotrenen 30 tren berriak aurkeztu zituen atzo. Trenek ingurumen baldintzak «zorrotz» betetzen dituztela jakinarazi zuen Arriolak. «Teknologiarik berrienak dituzte ikusmen eta entzumen zailtasunak dituzten pertsonentzat, eta bidaiarien bizi-kalitatea hobetzen lagunduko dute», gaineratu zuen. Garraio Sailak 201 miloi euroko inbertsioa egin du, eta CAF enpresak egin ditu.