Bina urteko espetxe zigorra eskatu du Espainiako Auzitegi Nazionaleko fiskalak Aitor Zelaieta, Maku Basabe, Ziortza Aiensa, Mikel Sanchez, eta Julen Orbea Bilboko alde zaharreko auzokideentzat. 2012ko abuztuaren 15ean BERRIAn eta 16an Gara-n argitaratu zuten 25 urte igaro eta gero, maite zaitugu! izenburu zuen artikulua.
Maite Perez Server zenaz, "1987ko jaien hasiera zen, zure konpromisoa muturreraino eramanda herri honen iparrorratzetako bat bihurtu zinenean", idatzi zuten artikuluaren egileek, eta hori "terrorismoa goratzea" izan litekeelakoan epaituko dituzte.
1987ko abuztuan hil ziren Perez Server eta Rafa Etxebeste Donostian, maneiatzen ari ziren lehergailuak eztanda eginda.
