Txosnarik txosna ibili zen Ertzaintza 2009an Bilboko Aste Nagusian, konpartsen guneetatik presoen argazkiak kentzen. Hainbat txosnatara indarrez sartu, eta horietako dekorazioak apurtu zituzten zenbaitetan, presoen argazkiak erakusten zituztela argudiatuta. Baina auzia ez zen bere horretan geratu, eta ondorena ekartzen ari da oraindik. Atzo hasi eta bihar arte, Bilboko 19 konpartsero eta herritar daude inputatu gisa Espainiako Auzitegi Nazionalean deklaratzera deituta. «Terrorismoa goratu» izana egozten diete guztiei. Seik deklaratu zuten atzo, eta Ismael Moreno epaileak aske utzi zituen seiak inolako neurririk gabe. Fiskalak hala proposatuta, akusatuei delitua egozteko frogarik ez dagoela ebatzi zuen epaileak.
Xabat Moran, Joana Kastresana, Irati Sierna, Irati Ugalde, Ane Muguruza eta Gaizka Astorkizaga konpartsakideek ordu erdi inguruz deklaratu zuten atzo Madrilen. Gaur, Sonia Rahm, Maria del Carmen Benito, Vicente Sola, Andres Nuñez, Maria Soledad Larraona eta Mari Karmen Estebanek deklaratuko dute.
Aske utzi dituzte Auzitegi Nazionalean deklaratu duten konpartsakideak
2009ko Aste Nagusian Bilbon presoen irudiak erakutsi izana egotzita auzipetu 19 kideetatik 6k deklaratu dute
Iruzkinak
Ez dago iruzkinik
Ordenatu
