Euskal gazteria aitzina! Aski da!' lelopean, hainbat lagun bildu dira gaur arratsaldean Baionako komisaldegiaren aurrean Teo Salamonen atxiloketa salatzeko. Ondotik utzi dute aske. Goizean joan dira poliziak haren bila, 06:00etan. Lehenik gurasoen etxera joan dira, baina ez dute bertan atzeman. Gurasoek abisua emanik, bere kabuz aurkeztu da Salamon Baionako polizia etxera, eta haren bizilekua miatu dute zibil jantzitako poliziek. Parisko Terrorismoaren Aurkako epaileak eman du atxilotze agindua, eta, atxilotuari azaldu diotenez, ekintza batengatik atzeman dute.
Atxiloketa salatzeko, elkarretaratzera deitu dute 18:30erako polizia etxearen aitzinean. Joan den urteko urtarrilean ere atxilotu zuten Salamon bertze ekintza batengatik, eta Parisera eraman zuten orduan, baina aske utzi zuten ondotik, kontrol judizialpean.
