'BATERAGUNE auzia'

Asteburuan geratuko dira aske Miren Zabaleta, Arkaitz Rodriguez eta Sonia Jacinto

Lehenago irten liteke Jacinto, absolbitua izan zen auzi batean lau egun izan baitzen espetxean.

Manifestazio jendetsua Bilbon 2011ko irailean, Bateragune auziko epaiaren aurka. RAUL BOGAJO / ARGAZKI PRESS
2015eko urriaren 8a
12:58
Entzun

Bateragune auzian zigortutakoak datorren igandean hasiko dira aske geratzen. Aurrenak Miren Zabaleta, Sonia Jacinto eta Arkaitz Rodriguez izango dira, eta urriaren 11 dute irteera eguna.

Espainiako Auzitegi Nazionalaren zigor epaiko kartzela urteak jaitsita, Gorenak hirurei sei urtekoa ezarri zien 2012ko maiatzean. 2009ko urriaren 13an atxilotu zituzten haiek ere. Aurtengo urriaren 12an beteko lirateke kondenako sei urteak, baina, sei urteotan bat bisiestoa izan denez (2012koa), egun bat lehenago aterako dira kartzelatik: urriaren 11n. Osorik beteko dute espetxealdia.

Arnaldo Otegiri eta Rafa Diezi sei urte eta erdiko kartzela jarri zien Gorenak. Otegi, normalez, datorren urteko apirilean utziko dute aske. Diez ez, “egoera pertsonal-familiarrengatik” orain arte besteek baino ia hamazazpi hilabete gutxiago egin dituelako preso. 2017ko abuztu-irailera arte egongo da kartzelan.

Dena dela, bost lagunentzat zigorra ez da bukatuko kartzela uztean: Zabaletak, Rodriguezek eta Jacintok zortzi urteko inhabilitazioa dute; Otegik eta Diezek, hamarrekoa.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.