Espainiako Auzitegi Nazionalak debekatu egin du gaur Ordizian (Gipuzkoa) euskal presoen eskubideen alde egitekoa zen ekitaldia. Eusko Jaurlaritzak jakitera eman duenez, Ertzaintzak oharra jaso du 5. instrukzio epaitegitik, ekitaldi hori galarazita dagoela jakinarazteko. Dignidad y Justicia biktimen elkarteak eskatu zion Auzitegiari ekitaldia debekatzeko.
Eusko Jaurlaritzak berak ere beste ekitaldi bat debekatu du. Herrizaingo Sailak kaleratu duen oharrean dio asteazkenean Lezaman (Bizkaia) Iñaki Rike zenari omenaldia egiteko elkarretaratze bat dagoela deituta. Emakume batek eskatu zuen elkarretaratzea egiteko baimena, baina Jaurlaritzak ez dio eman. Rike errefuxiatua zen, eta 2006an hil zen, Baionan.
Astebururako ekitaldi bat debekatu dute Ordizian eta beste bat Lezaman
Ordizian gaur zen egitekoa presoen aldeko ekitaldia, eta Lezaman asteazkenean ziren elkartzekoak
Iruzkinak
Ez dago iruzkinik
Ordenatu
