Bost gizon epaituko dituzte Nafarroako Auzitegian, iazko sanferminetan emakume bat bortxatzea leporatuta. Fiskalak 23 urteko kartzela eskatua du haientzat.
Auzitegiak jakinarazi du hedabiderik gabe egingo dutela epaiketa osoa, ateak itxita. Bi argudio eman ditu horretarako: batetik, salatzailearen intimitatea errespetatzea; bestetik, salatzailearen eta bost akusatuen “gehiegizko esposizioa” saihestea.
Epaiketa ateak itxita egingo dute, eta auzitegiak espresuki debekatu du hango irudiak hartzea eta zabaltzea ere: bai salatzailearenak, bai akusatuenak.
Azaroaren 13an hasiko da epaiketa Iruñean, eta 24an bukatuko da.
