Atunontzien segurtasuna diruz laguntzen segituko du Jaurlaritzak

GASTEIZ. Indiako Ozeanoan arrantzan ari diren atunontzien segurtasunerako diru laguntzak ematen jarraituko du Eusko Jaurlaritzak. 1.396.500 euroko diru saila onartu du horretarako, iaz baino 97.446 euro gutxiago. Espainiako Gobernuak ere ematen zizkien laguntzak, baina bertan behera utzi ditu. Atunontziek 5.586.000 euro gastatuko dituzte aurten segurtasunean.