Aturrin aingira eta zamoa arrantzatzea debekaturik

BAIONA. Pirinio Atlantikoetako prefetak Aturri ibaian hainbat arrain mota arrantzatzea debekatu du, horien artean aingira eta zamoa. Osasun zerbitzuek jakinarazi dutenez, arrain mota horietan egindako ikerketek erakutsi dute arrain horiek PCB molekulak dituztela gantzetan. Hala, arrain horiek jatean molekula hori gizakiengana pasatuko litzateke, elikadura katearen bidez.