Atxilotu egin dute gizon bat harrapatu zuen gidaria

GASTEIZ. Lehengo astean gizon bat harrapatu zuen kamioi gidaria atxilotu dute Zuian (Araba). Biktimak autoa bide bazterrean utzi zuen, eta ibilgailutik irtetean kamioi batek aurrean eraman zuen. Kamioilaria une batez gelditu bazen ere, zauritua sorotsi gabe jarraitu zuen aurrera. Herenegun iluntzeko bederatzietan atxilotu zuten, laguntzarik eman ez izana egotzita.