2007an A-8 errepidea itxi zuten Ainara Ladron, Aritz Azkona eta Naroa Ariznabarretak, Saioa Zerainekin eta Asier Alberdirekin batera. Fiskaltzak bi urte eta erdiko kartzela zigorra eskatu du bostentzat. Lehen hirurek iragarri zuten ez zirela epaiketara joango, eta atxilotu egin zituzten.
Hirurak zeuden Martuteneko kartzelan, baina Ladron eta Ariznabarreta Logroñora eraman dituzte, eta Azkona Valladolidera.
Ostiralean epaituko dituzte, Donostian. Hori horrela, Eleak mugimenduak iragarri du epaitegi atarian protesta egingo duela egun horretan, eta dei egin du laranjaz jantzita mobilizazio horrekin bat egitera.
