Atzera bota dute euskara sustatzeko mozioa

IRUÑEA. Nafarroako Parlamentuak atzera bota du hedabideetan euskara sustatzeko mozioa. Bilduk aurkeztu du proposamena, eta koalizio horren, Nafarroa Bairen eta Ezkerraren aldeko botoak bertzerik ez du jaso. UPNk, PSNk eta PPNk, berriz, testuaren kontra bozkatu dute. Mozioaren helburua zen euskara gero eta gehiago agertzea hedabide sozialetan eta horren aldeko konpromisoa hartzea parlamentuak; horrekin batera, euskarak hedabideetan duen tokia zehazteko plangintza osatzea zen xedea.