Honakoak dira Irunberriko Arangoiti ikastolari laguntza emateko kontu zenbakiak: Caja Rural de Navarra 2008 0042 51 1203795925; Caja Navarra 2054 0041 86 9134923815; Santander Central Hispano 0049 2572 24 2514210130; eta Euskadiko Kutxa 3035 0058 35 0580077630.
Nolanahi ere, eguraldi txarra eginagatik, bi mila autok eta 225 autobusek Irunberriraino heltzeko modua izan zuten. Beste hainbat milaka euskaltzale, berriz, etxetik Irunberrira abiatu ziren —80.000 bat antolatzaileen eta Foruzaingoaren arabera—, baina Nafarroa Oinezen parte hartu gabe etxera itzuli behar izan zuten.
Nafarroa Oinez
Atzoko hondamendia dela eta, Irunberriko Arangoiti ikastolak lau kontu zenbaki jarri ditu laguntza jasotzeko
Tristura eta etsipena nagusitu ziren atzo Irunberriko (Nafarroa) Arangoiti ikastolako arduradun, guraso, ikasle eta irakasleen artean. Izan ere, urte osoa Nafarroa Oinezen aurtengo ekitaldia antolatzen egin ondoren, goizaldean bota zuen ekaitzak triskantza handia egin zuen. Haizeak hainbat karpa gotik behera bota zituen, eta euriak basatza bihurtu zituen ibilbideko gune asko eta aparkalekuak. Hori dela eta, bertan behera utzi behar izan zuten ekitaldia. Galerei aurre egiteko, eta pentsatu bezala ikastola berria eraiki ahal izateko hiru kontu zenbaki jarri dituzte laguntza eman nahi duten guztien eskura.
Iruzkinak
Ez dago iruzkinik
Ordenatu
