Hiri handietan herritarrek aukeratu ez dituzten zinegotzien izendapenek ez dute baliorik; Espainiako Konstituzioaren kontrakoak dira, eta, beraz, zinegotzi horiek kargua utzi beharko lukete erabakia indarrean jartzen den unean. Hala erabaki du Espainiako Auzitegi Konstituzionalak; Bizkaian Andoni Aldekoa kontseilari ordezkariari eragiten dio, Iñaki Azkuna alkatearen ondo-ondokoari, eta Gipuzkoan Ogasun ordezkari Jabi Vitoriari eta Kultura zinegotzi Nerea Txapartegiri.
Bilboko eta Donostiako udal gobernuetako kide horiek kargua utzi beharko dute, baina ez die eragingo orain arte hartu dituzten erabakiei.
1985eko legea da auzitegiak konstituzioaren kontrakotzat jotzen duena. Horren arabera, alkateak izenda ditzake Gobernu Juntako kide zinegotzi ez direnak, betiere batzordeko kideen herena gainditzen ez badute.
