Aurore Martin Batasuneko kideak gaur jakinarazi du martxoko kantomanendu hauteskundeetan Euskal Herria Bai koalizioko hautagai izango dela. Le Journal du Pays Basque egunkarian eman du berria, gutun baten bidez. Martin duela aste batzuetatik ezkutatua dago, euroagindu baten ondorioz Espainiaratzeko arriskuan dela eta. "Lan politikoarekin jarraitzeko borondatea" duela dio Batasuneko kideak.
Espainiaratzeko euroagindua Espainiako Auzitegi Nazionalak galdegin du, hark Hego Euskal Herrian ezker abertzaleko zenbait prentsaurrekotan parte hartu duelako. Frantziako Justiziak onartu egin du eskaria, eta Espainiara igorria izateko arriskuan da Martin, Batasuna Frantzian legezko den arren. Erabakiaren berri izan ostean, gordetzea erabaki zuen.
Martin euretako baten etxean dagoela agertu zuten jendaurrean 80 bat hautetsik urtarrilaren 12an.
Batasunak, Abertzaleen Batasunak eta EAk osatzen dute EH Bai koalizioa. Atharratzeko kantonamenduan aurkeztuko da Martin.
politika
Aurore Martin EH Baiko hautagai izango da martxoko bozetan
Batasuneko kidea ezkutatua dago gaur egun, euroagindu baten ondorioz Espainiaratzeko arriskuan dela eta. Atharratzeko kantonamenduan aurkeztuko da.
Iruzkinak
Ez dago iruzkinik
Ordenatu
