Aurrekontuetako murrizketen aurka, manifestazioa Iruñean

IRUÑEA. «Partaidetzan oinarritutako aurrekontu sozialen aldeko ekimenak» manifestaziora deitu du datorren larunbaterako. Nafarroako aurrekontuetan herritarrek parte hartzeko bideak irekitzeko eskatuko dute, eta baita aurrekontuetatik gastu soziala ez murrizteko ere. Manifestazioa Antoniutti parketik abiatuko da, 17:30ean. Besteak beste, Xorroxin irratiko, Nafarroako Antzerki Eskolako eta Oinarrizko Errentaren Aldeko Taldeko kideek deitu dute protestara.