Gure Esku Dago-k azaroaren 18ko galdeketan parte hartzera deitu du, Donostiako Aquariumean egin duen ekitaldian. Egun horretan erabiliko diren hautetsontziak aurkeztu ditu, eta galdeketa egunaren aurretik bozkatu nahi dutenek bihartik aurrera horretarako aukera izango dutela jakinarazi du. Aldez aurretik bozkatzeko modua izango dute Irungo (Gipuzkoa), Zallako (Bizkaia), Balmasedako (Bizkaia) eta Alonsotegiko (Bizkaia) herritarrek ere. Donostiarekin batera, etorkizun politikoari buruzko galdeketak egingo dituzte herri horietan ere, hiru aste barru. Ekitaldian izan dira, besteren artean, Andoni Etxebeste Gipuzkoa Buru Batzarreko kidea eta Arkaitz Rodriguez Sortuko idazkari nagusia.
Azaroaren 18an Euskal Herritarron etorkizunaren inguruan erabakitzeko donostiarrek erabiliko dituzten hautestontziak aurkeztu ditu Gure Esku Dagok Aquariumean @irutxulo@GureEskuDagoDon@GureEskuDagopic.twitter.com/RtMVD9c3lS
— Iñaki Agirre (@ikiagirre) 28 de octubre de 2018
Azaroaren 18ko galdeketak "garrantzia handiko ariketa" izango direla nabarmendu du Gure Eusko Dago-k; "herritarrak ahalduntzeko balio dutelako, eta, aldi berean, entsegu garrantzitsuak direlako gure herriaren etorkizuna erabakitzeko balioko duen erreferendumari begira".
Ekitaldiaren aurretik, Donostiako Bulebarra eta Alde Zaharra girotu dituzte, kalejiran.
Hautetsontziak Donostiara iritsi dira!
— Donostia Galdeketa (@GureEskuDagoDon) 28 de octubre de 2018
📸 @ekaitZilarmendipic.twitter.com/al0iC2qq0D
Ikurriña erraldoia Parte Zaharrean barrena doa, Gure Esku Dagok azaroaren 18an Donostian egingo duen galdeketarako erabiliko diren hautestontziei harrera egiteko @irutxulo@GureEskuDagoDon@GureEskuDagopic.twitter.com/Dc7XfNqsom
— Iñaki Agirre (@ikiagirre) 28 de octubre de 2018
Donostiako galdeketa jauzi bat izango da herritar plataformaren orain arteko galdeketa olatuekin alderatuta. Izan ere, Donostia izango da etorkizun politikoari buruzko galdeketa egingo duen lehen hiriburua.
Horretarako, hiru urrats eman dituzte, Gure Esku Dago-k landutako protokoloari jarraituz. Lehenik eta behin, 9.500 sinadura bildu zituzten egitasmoari babesa adierazteko; ondoren, galdera adostu zuten prozesu parte hartzaile baten bidez; eta, azkenik, galdeketa eguna bera antolatzeko lanetan murgildu dira.
Galdeketaren egunean, 37 hautesleku zabalduko dituzte hiriko 14 auzotan banatuta. Nahi al duzu euskal herritarrok gure etorkizun politikoa geure kabuz eta aske erabakitzea? galderari erantzungo diote bozkatuko duten hiritarrek. Guztira, 150.000 hiritar inguruk izango dute parte hartzeko aukera.
"Gure Esku Dago-k 2016an abiatutako kontsulta zikloari segida eta bultzada berri bat ematera goaz, herri ekimenez", adierazi dute. Plataformak 2016an galdeketa olatuak abiatu zituenetik, 189.000 herritarrek bozkatu dute, 203 herritan.
