Gizonezko bat hil da gaur goizean Zeanurin, N-240 errepidean bi autok elkar jota, Eusko Jaurlaritzako Herrizaingo Sailak esan duenez.
Ezbeharra 11:15ean izan da, Seat Ibiza auto baten eta Seat Cordoba baten artean. Auto gidari bat da hildakoa. Beste hiru lagun zauritu egin dira, eta anbulantzietan eta helikoptero batean eraman dituzte erietxeetara.
Ertzaintzak 13:00etan artean errepidea itxita zeukan.
