Gizonezko bat hil da gaur 12:10ean Bergaran izandako errepide istripu batean. GI-632an izan da ezbeharra, haren autoak eta taxi batek talka egitean. Gidari zihoan gizonezkoa, Frantziako matrikula zuen auto batean.
Beste sei lagun zaurituta daude. Horietako bat —emakumezkoa— aipatutako autoan zihoan, eta arin zauritu da. Beste bostak taxian zihoazen: gidaria, emakume bat eta hiru adingabe —Erresuma Batukoak hirurak—, eta bostek zauri arinak dituzte.
