Hautagaitzaren hauteskunde programa aurkezteko, agerraldi bat egin dute Anika Lujan, Patxi Zamora eta Iñaki Bernal Aldaketako hiru hautagaiek. Hain zuzen, "aniztasun nazional, kultural eta linguistikoaren aitortza", autogobernuaren defentsa eta "herritarren erabakitzeko eskubidea" izango dira hautagaitzaren "lehentasunetako" batzuk.
"Oinarri sendoak ditu Aldaketak: Nafarroan eta lau indar politikoetan dugun aniztasuna ordezkatzen du, eta gure helburua [Espainiako] Senatura iritsi eta Nafarroan maiatzeko bozetan sortutako aldaketa sendotzea da", nabarmendu du Lujanek.
Foru Hobekuntzaren Legearen erreforma proposatuko duela iragarri du Lujanek, "Nafarroako estatus politikoa birdefinitzea, eskumen berriak izatea eta eskubide sozialen aitortzan aurrerapausoak ematea helburu".
