Automobil batek harrapatuta andrazko bat hil da Zaratamon

BILBO. Emakume bat hil zen astearte iluntzean Zaratamon (Bizkaia) automobil batek harrapatuta. Mercedes ibilgailu batek harrapatuta hil zen andrazkoa, eta kolpea jaso zuen lekuan bertan hilotz geratu zen. Ikerketa abiatu zuten ertzainek ezbeharraren nondik norakoak argitzeko. Hildakoa gertukoa zela esan du Jaurlaritzako Herrizaingo Sailak, Arrigorriagakoa hain justu.