Auzibideetan diren andreak babesteko plan bat abian jarri du Eusko Jaurlaritzak

Genero Indarkeriaren Biktimen Arretarako zerbitzuak plan bat abiatu du aste honetan, auzi prozesuetan diren emakumeei babesa emateko. Indarkeria jasan duten andreak auzitegietan galduta, izututa eta antsietaterekin egoten direla sarri azaldu du Eusko Jaurlaritzaren zerbitzuak. Planaren helburua da biktimak auzirako prestatzea: antsietatea kontrolatzea, informazioa hobetzea, inguru horretan lasai egotea eta prozesuarekin izan ditzaketen espektatibak lantzea, besteak beste. Biktimen Arretarako Zerbitzuak berak baloratuko du zein emakumek jasoko duten laguntza hau.