Auzitegi Gorenak erantzuteko 20 eguneko epea eman die EHAK eta EAE-ANVren defentsei

Espainiako Estatuko Abokatuak eta Fiskaltzak egindako legez kanporatze eskaerei erantzuteko hogei eguneko epea eman die gaur Espainiako Auzitegi Goreneko 61eko Sala Bereziak EHAK eta EAE-ANV alderdi politikoen defentsei. Lehengo asteazkenean Estatuko Abokatuak haien kontrako "froga berriak" aurkeztu zituen auzitegian.

Akusatzaileek EHAK-z egindako eskaera otsailaren 13an onartu zuen tramitera Gorenak, eta gaur EHAKri zabaldu egin dio erantzuteko epea. EAE-ANVren kasuan gaur onartu du tramitera -forma akats bat zela medio gaur arte atzeratu da hori-.