Espainiako Auzitegi Nazionaleko epaile Eloy Velascok Biboko Aste Nagusiko konpartsen ekitaldiak zelatatzeko eta filmatzeko agindu du, "terrorismoa goratuko" balitz neurriak hartu ahal izateko.
Dignidad y Justicia eskuin muturreko taldeak aurkeztutako salaketaren haritik etorri da agindua, hain zuzen ere. Atzo, Kaskagorri eta Txoribarrote konpartsen bost ekitaldi debekatzeko eskatu zuen, "terrorismoa goratuko" dutela aurreikusita. Elkartasun keinuen ordua eta Presoen aldeko elkartasun ekitaldia izenpean daude bost saio horiek. Euskal presoen zerrenda bi konpartsa horietako txosnetan ikusgai egotea ere salatu zuen taldeak.
Epaileak Jaurlaritzaren Segurtasun Sailari, Guardia Zibilari eta Espainiako Polizia Nazionalari bidali ei dio agindua.
