Lurdes Auzmendi Eusko Jaurlaritzako Hizkuntza Politikarako sailburuordearen elkarrizketa argitaratuko du bihar BERRIAk. Eusko Jaurlaritzaren murrizketek egoera larrian utzi dituztela salatu dute euskalgintzako eragile ugarik. Auzmendi ez dator horiekin bat, eta lehentasunak zehaztearen alde egin du.
Honakoak, aurrerapen gisa, elkarrizketan jasotako hiru adierazpen:
- "Euskararen garapen maila, besteak beste, euskarazko hedabideei esker lortu dugu. Euskarazko hedabide bikainak behar ditugu, normalizazioan jarrai dezagun".
- "Euskararen normalizazioaren bidean gauden puntuan egonda, ezin dugu jendea zigortu. Konbentzitu behar dugu, euskara erakargarri egin, jendea irabazi".
- "Gero eta langile gutxiagok frogatu behar dute, zorionez, hizkuntza gaitasuna, gero eta gehiago baitira hizkuntza eskakizuna duten lanpostuetara sartu direnak".
