Dozenaka lagun elkartu dira eguerdian Arrasaten (Gipuzkoa), AVT elkarteak antolatuta, "Euskal Herrira biktimen duintasuna eramateko". Hala adierazi du Angeles Pedraza elkarteko presidenteak. Bost ekitaldi egingo dituzte egunean zehar; Arrasaten, Eibarren, Elgoibarren (Gipuzkoa), Durangon eta Elorrion (Bizkaia).
Goizean goiz abiatu da Madrildik AVTk antolatutako autobusa, eta Miranda de Ebrotik (Espainia) Ertzaintzak babestuta joan dira Arrasateraino. Lore eskaintza bat egin dute bertan, eta minutuko isilunea gorde.
