Datorren asteburuan Erandion, Getxon eta Leioan egingo den "demokraziaren festan" parte hartzera deitu dituzte herritarrak. Getxoko alkate izandako Javier Agirrek eta Leioako zinegotzi Naiara Goirienak irakurri duten oharrean gogorarazi diete eurena dela etorkizun politikoa erabakitzeko eskubidea aldarrikatzea, Gure Esku Dago-k antolatutako galdeketan parte hartuz.
"Guri, euskal herritarroi, dagokigu erabakitzea zer izan nahi dugun eta geure burua nola egituratu nahi dugun. Erabakitzeko eskubidea dugu, eta erabaki nahi dugu", adierazi dute Agirrek eta Goirienak.
Andoainen, bestalde, festa giroan egin dute bozkatzeko deia.
#Andoain Lagun asko bildu gara gaur, eskerrik asko! Andoaindarrok erabakiko dugu. Giza katea amaituta, talo jatea orain #A5galdeketakpic.twitter.com/wn5neTiqwa
— Gure Esku Andoain (@GureEskuAndoain) 2017(e)ko urriak 28
Gaur arte galdeketak antolatu diutuzten herrietatik handiena izango da Getxo, ia 80.000 biztanle baititu. Aurretik aipatutako lau herriez gain, beste bederatzitan ere egingo dituzte galdeketak datorren igandean: Andoainen, Areatzan, Atxondon, Beizaman, Berangon, Elantxoben, Galdakaon, Mundakan, Ibarrangelun eta Otxandion.
