Azken urtean %52 igo da Nafarroako Unibertsitate Publikoko masterren kostua

Nafarroako Parlamentuan, Nafarroako Unibertsitate Publikoko Ekonomia errektoreorde Manuel Rapunek azaldu du aurten erakundeak %17ko murrizketa izan duela; matrikularen kostua %44 igo da, eta masterrena, zehazki, %52. Igoerak, besteak beste, ikasle kopurua %15 jaistea eragin du, Rapunek adierazitakoaren arabera. Kostuari aurre egiteko bankuekin bekak aztertzen dabiltzala azaldu du Rapunek; zatika ordaindu ahal izateko aukera esku artean dutela. Bakartxo Ruiz Bilduko parlamentariak erantzun dio hori eginda bankuek negozioa egingo dutela ikasleekin. Hilaren 11ko grebari atxikimendua eman dio gainera.