Ainhoa Aznarez Nafarroako presidente izendatu eta berehala hasi ziren haren kontrako erasoak, BERRIArentzat idatzi zituen txioak erabiliz. Horietako batean, sanferminak hasi aurretik idatzitakoan, uztailaren 5ean, garagardoa edaten ikusten zaio edalontzirik gabe. "Aizue.... hasia naiz sanferminetako giroan!!! Jope.... 5a da!!!", zioen txio horretan. Aznarezek beste zortzi lagunekin batera parte hartu zuen iazko txiokronikan; sanferminetako egun bat bederatzi txiotan kontatzeko eskatu zion euskarazko egunkariak, #9x9 traolarekin. Bere erantzuna hasieratik baiezkoa izan zen, eta eskerrak eman zizkion BERRIAk bere prestutasunagatik.
Aizue....hasia naiz sanferminetako giroan!!! Jope.... 5a da!!! @berria@BakartxoR@uxuebarkos@gaizkarangurenpic.twitter.com/avlemEam1S
— AINHOA AZNAREZIGARZA (@ainhoaaznarEZ) July 5, 2014Sare sozialetan hasi ziren Aznarezen kontrako erasoak, eta orain hedabideetara eraman dute eztabaida zenbaitzuek. El Mundo egunkariak ondoko lerroburua jarri dio: "Horrela prestatzen ditu sanferminak Nafarroako Parlmentuko presidente berriak". Aipatutako txioaz gain, BERRIArentzat uztailaren 11n argazki batekin argitaratutakoa gehitu du. "Badaukat beste aldarrikapen 1 soinean, hau bai dela nire profila: feminista,euskalduna ta errepublikarra!", zioen, eta argazkian egun horretan Aznarezek soinean zeraman txapa erakutsi zuen, non irakur daitekeen: "Nik erabakitzen dut alutik ateratzen zaidana".
Badaukat beste aldarrikapen 1 soinean,hau bai dela nire profila: feminista,euskalduna ta errepublikarra! @BERRIA#9x9pic.twitter.com/uMv2ddtnnN
— AINHOA AZNAREZIGARZA (@ainhoaaznarEZ) July 11, 2014Eztabaida sortu zutenetik, hainbat izan dira, ordea, Aznarezi babesa adierazi diotenak, salatuz astakeria ez dela sanferminetan garagardoa edalontzirik gabe edatea baizik eta hori erabili nahi izatea, urtebete geroago, Nafarroako Parlamentuko presidente izendatu berriari erasotzeko.
Plazer bat izan zen guretzat @ainhoaaznarEZ-ek @berria-rako idaztea. Eskerrik asko berriro eta babes osoa. Aurten nik ere egin nahi dut
— Jon Ordoñez (@jonordoez) June 22, 2015Denok gara @ainhoaaznarEZpic.twitter.com/uOPkB35sLQ
— Sergio Arizkuren (@ArizcurenS) June 19, 2015Ohhhhhh!!! @ainhoaaznarEZ bebiendo cerveza a morro del grifo,en pleno San Fermín,y encima se lo pasaría bien y todo,que vergüenza #IRONÍAON
— CDP 2.0. (@Chemi_DiParla30) June 21, 2015Oteizaren argazki honekin nire elkartasuna @ainhoaaznarEZ gogoan. Beraien gorrotoa gure irriñoa da. pic.twitter.com/CmSq6zHBSI
— i.aiestaran (@iaiestaran) June 19, 2015Ante los ataques (patéticos por otra parte) contra @ainhoaaznarEZ por ser una persona normal que sale de fiesta etc, todo mi apoyo
— M.M. Irigibel (@arartekosa) June 19, 2015Aznarezez gain, hurrenez hurren, Itziar Gomez, Gaizka Aranguren, Aritz Ibañez, Amaia Cambra, Reyes Ilintxeta, Bakartxo Ruiz, Ion Orzaiz eta Haritz Pascualek parte hartu zuten txiokronikan iazko sanferminetan. Aurten ere izango da, #SFK15 eta #9x9 traolekin. Iazkoa Storifyen dago ikusgai.
