Etxebizitza Lege proiektuaz eztabaidatzen ari dira Eusko Legebiltzarrean, eta 177 zuzenketa aurkeztu dizkio PPk lege egitasmoari. Efe agentziak zabaldu duenez, horietako bat da Araba, Bizkai edo Gipuzkoatik indarkeriaren eraginez joan eta itzultzeko asmotan daudenei babes ofizialeko etxebizitzen kopuru bat gordetzea.
Nerea Llanos PPko legebiltzarkideak azaldu du alderdiak Etxebizitza Legearen aurreproiektuaren inguruan duen ikusmoldea. Babes ofizialeko etxebizitza bat izateko, gutxienez hiru urtez erroldatuta egotea beharrezkotzat jo nahi du PPk, eta "behar egoerak" asetzearen alde agertu da. Alde horretatik, "behar larriena" duten taldeentzat "etxe kopuru bat" gordetzea proposatu du PPk.
