Babesa epaituko dituzten AHTaren aurkako kideei

IRUÑEA. Datorren astean epaituko dituzte 2009an Urbinan (Araba) AHTaren aurka egindako martxan atxilotutako sei ekintzaileak, eta haien aldeko elkarretaratzea egin zuten atzo Iruñean. Tren lasterraren «kriminalizazioa» salatu zuten. EILAS sindikatuak eta Ekologistak Martxanek azaldu dute bat egingo dutela haien alde gaur Gasteizen egingo den manifestazioarekin.