Gazte talde batek egoitza bat okupatu du gaur goizean Baionan. Hain zuzen ere, herriko etxearen aurrean elkarretaratzea egin dute 11:00etan, gaztetxe bat egitearen alde. Urtebetez aritu dira Baionako Gazte Asanbladako kideak bilkuraz bilkura herriko etxeko ordezkariekin, gaztetxe bat lortzeko asmoz. Baina negoziaketa horiek ez dute izan emaitzarik, eta etxe bat okupatzea erabaki dute. Pasteur plazan dago eraikina. Baionako gaztetxea dioen kartel handi bat zabaldu dute horman.
Joan den ekain amaieran iragarri zuten beren aldetik joko zutela gazteek: "Aste bat pasatu ondoren ez badugu erantzunik boterean direnen partetik, kontsideratuko dugu herriko etxeak ez duela bere erantzukizuna bete, eta, beraz, gure kabuz atzeman beharko dugu gure proiektua modurik eraginkorrenean eramateko beharrezkotzat jotzen dugun lokala". 2009ko urrian sortu zuten Baionako Gazte Asanblada
