Hauek dira Ramon Jauregik BERRIAk bihar argitaratuko duen elkarrizketan esandakoetako batzuk:
"Terrorismoaren kontrako borrokan ikuspuntu polizialetik Odon Elorzak egiten zituen autokritikak denak nire gain hartzen ditut. Baina ezin dut kontakizuna nahasi: hiltzea erabaki zuten, eta historia tragiko bat eraiki zuten; beste batzuk, hil gabe, herria eraiki dugu".
"Dagoeneko espetxe erakundeak ari dira lantzen preso gaixoekiko espetxe politika, Urkulluk lehengo egunean planteatu zuena, ospitaleko edo etxeko tratamenduaren bidez; badaude kasu ugari, azkena Ibon Iparragirrerena".
"Ez da azkarregi joan behar. Bakea sendotu beharra dago; bizkartzainez askatu beharko dugu, askatasunez eta segurtasunez blaitu beharko dugu. Hori gertatzen denean, beste erabaki batzuk azaltzen dituzten egoerak gertatuko dira, guri hartzea ez dagozkigunak, hurrengo gobernuari baizik".
