Uztegiko (Nafarroa) 47 urteko gizonezko bat atzotik desagertuta zegoen Balerdi mendian (Nafarroa), eta gaur hilda aurkitu dute Nafarroako Larrialdi Zerbitzuetako lagunek, 8:15 aldera. Amildegi batean zegoen gorpua; helikoptero batetik ikusi dute.
Atzo 20:30ean eman zuten haren senideek desagerpenaren berri, azkeneko bost orduetan gizonezkoari buruz ezer ez zekitelako. Iturri haren arabera, 14:00etan iritsi zen Balerdi gainera.
Suhiltzaileak, guardia zibilak, foruzainak eta boluntarioak atzo gauetik bertatik aritu ziren bilatze lanetan, eta gaur goizeko zortzietan ekin diote berriro.
Gizartea
Balerdi mendian hilda topatu dute atzotik desagertuta zegoen Uztegiko gizonezkoa
Iruzkinak
Ez dago iruzkinik
Ordenatu
