Joan den larunbatean jakin zen neska adingabe batek salaketa bat ipini zuela taldekako sexu eraso bat jasan zuela adierazita, Barakaldon (Bizkaia). Mobilizazioak antolatu ziren erasoa salatzeko, eta Eusko Jaurlaritzako Segurtasun Sailak lau adingabe identifikatu zituela jakinarazi zuen, erasotzaileak izan zitezkeelakoan.
Identifikatutako lau adingabeetako bik joan den asteazkenean aurkeztu zuten beren burua Bilboko Adingabeen Fiskaltzan, eta adingabeentzako Zumarragako zentrora (Gipuzkoa) eraman zituzten.
Ertzaintzak identifikatuta zeuzkan beste bi adingabeek aurkeztu dute gaur beren burua Bilboko Adingabeen Fiskaltzan.
