Yolanda Barcina (UPN) Nafarroako Gobernuko lehendakariak adierazi du PSNrekin akordioak lortzeko lanean segituko dutela, "foru erkidegoak egonkortasuna" izan dezan. "Nik beti egin dut horren alde, eta bide horretan jarraituko dugu, azken urteetan bezala", esan du UPNren kongresuari buruzko prentsaurreko batean, Iruñean.
"Guk Nafarroaren errealitate instituzionala defenditzen dugu, eta Nafarroa erkidego bezala nahi ez dutenekin edo askatasunarekiko errespeturik erakutsi ez dutenekin —Bildurekin— ez dugu akordiorik izango", adierazi du Barcinak.
