Koronabirusak eragindako ezohiko egoera dela eta, AEK-k moldatu egin du udako eskaintza. Aurten ez da barnetegirik izango, baina udako online ikastaroen eskaintza zabalik dute jada. Gainera, jakinarazi dute hainbat euskaltegitan aurrez aurreko saioak ere izango direla, udan euskara ikasteko eta azterketak prestatzeko. Horretarako hiru aukera proposatu dituzte: ikasgelako saioak, autoikaskuntza eta jardun bikoa.
"Osasun-neurri guztiak hartuta, ikasleak goxo eta seguru ibiliko dira AEK-ren euskaltegietan", adierazi dute ohar bidez. Neurri horiek betetzen ez direlakoan, erabaki dute barnetegiak bertan behera uztea.
Izena emateko hurbilen dagoen euskaltegira jotzea ala AEKren webgunean sartzea gomendatu dute.
