Barruko mediku egoiliar izateko, gutxieneko nota

Barruko mediku egoiliar izan nahi dutenek gutxieneko nota bat lortu beharko dute datorren urtetik aurrera. Orain arte barruko mediku egoiliar izateko azterketa gainditzearekin nahikoa zen, baina Espainiako Osasun Ministerioak irizpidea aldatu eta azterketako nota altuenen araberako gutxieneko nota ezarriko du. Gutxieneko nota horrek ez die soilik medikuei eragingo, baizik eta baita osasun sektoreko tituludun guztiei ere. «Trebakuntza espezializatura heltzen direnak aukeratzerakoan kalitatea handitzea da helburua», azaldu du Osasun Ministerioak. Horrekin batera, barruko mediku egoiliar izateko plazak %5 gutxitzea aurreikusi du ministerioak, autonomia erkidegoen aurrekontuaren arabera.