Hamar eskerleku erdietsi zituen PPk Eusko Legebiltzarrerako hauteskundeetan joan den igandean, eta eztabaida sortu da PP barnean. Kritikak jaso ditu alderdikide ugariren aldetik, baina Mariano Raxoi PPko presidentearen babesa jaso du.
Edonola ere, Eusko Jaurlaritzako lehendakari izateko ez du bere hautagaitza aurkeztuko Antonio Basagoitik. PPko iturriek baieztatu diete hori berri agentziei, eta gaineratu dute erabakia hartua zuela hauteskundeen aurretik ere.
Maiatzean hautatu zuten Basagoiti EAEko PPko buruzagi, alderdikideen %92,5en babesarekin. 2015ean egingo dute hurrengo kongresua, baina, PPko iturriek adierazi dutenez, ez dute baztertzen kongresua aurreratzea. 2008an izendatu zuten Basagoiti EAEko PPko presidente, Maria San Gilek kargua utzi eta gero.
