Izaten dira kazetarien lana errazten duten politikariak, tituluak hitzetik hortzera ematen dituztenak. Izaten dira kazetariei ahalegin handia eskatzen dieten politikariak, titulurik ez, ideia berririk ez, eta kazetariak betelana egitera behartzen dituztenak. Eta izaten dira kanpaina iritsita taldez aldatzen direnak: ordura arte alfer, eta orduan tituluak ematen hasten direnak; eta ordura arte langile, eta errepikapen hutsak egiten dituztenak.
Lehen taldekoaren fama beti izan du Antonio Basagoitik. Beti jartzen duela zeresana, titulu faltan ez dituela uzten kazetariak. Gehiegi ere bai. Erabat aldatu da, ordea, kanpainan: musika berarekin dantzatu du mingaina bi astean: independentzia txarra da, Urkulluk independentzia nahi du, ez eman botorik. Bi astean ondo irakatsi du lezioa. Kazetariei jarri dizkie lanak, zer kontatu. Herritarrek berari ez ote dizkioten jarriko, ordea. Bi astean kontu bera irakurtzeko prest jenderik apenas dagoen.•
Basagoiti ja ez da kazetarien laguna
Iruzkinak
Ez dago iruzkinik
Ordenatu
