Batasunak elkarretaratzea egin du Nafarroako ustelkeria kasuak salatzeko

Poliziaren presentzia handiareki egin du elkarretaratzea Batasunak Iruñean, Nafarroako ustelkeria kasuak salatzeko. Espainiako Gobernuak Nafarroan duen Ordezkaritzak joan den asteazkenean debekatu egin zuen Batasunak gaurko Iruñean deitua zuen elkarretaratzea. Debeku hori bertan behera utzi zuen atzo Nafarroako Auzitegi Nagusiak, debekua epez kanpo egin zela argudiatuta. Nolanahi ere, horrek ez duela elkarretaratzea egiteko baimenik ematen ohartarazi zuen Auzitegiak eta, beraz, kontzentrazioa desegin egin dezaketela jakinarazi zuen.