Bederatzi kilometroko ilarak izan dira N-1ean

Sei autok elkar jo dute goizeko zortziak laurden gutxi aldera N-1 errepidean, Lasarte-Oriako (Gipuzkoa) gasolindegi parean, Donostiarako noranzkoan. Istripuan ez da inor zauritu, baina nahasmen handia sortu du errepidean: bederatzi kilometrora iritsi diren ilarak sortu dira.

Goizeko zortziak eta hamar inguruan lortu dute autoak eraman eta errepidea garbi uztea, baina bederatziak eta hamarretan, arestian esan bezala, bederatzi kilometrokoak ziren ilarak. Nolanahi ere, bere onera itzultzen ari da egoera.