Benetako armak erabiliz, maniobrak egiten ari da Espainiako Armada Bardean, Nafarroan. Armadako iturriek BERRIAri baieztatu diote "pare bat egunean" egingo dituztela ariketak. Urtero egiten dituzte maniobra horiek, Sirio operazioa izenarekin. Besteak beste, maniobretan parte hartuko dute bonbak jaurtitzeko hegazkinek.
Nolanahi ere, arriskurik ez dela nabarmendu dute armadako iturriek, eta aurreko urteetan "inolako gorabeherarik" ez dela izan proba horietan. "Ohiko ariketen gisakoak izango dira. Diferentzia bakarra da besteetan armamentu inertea erabiltzen dela eta orain erabiliko dena lehertu egiten dela".
