Bengoak abisu egin die txertoen alde egiten ez duten medikuei

GASTEIZ. Txertoak zalantzan jartzen dituzten profesionalei abisua egin die Rafael Bengoa Eusko Jaurlaritzako Osasun sailburuak; jokabide hori ez dela arduratsua adierazi die. Bere blogean idatzitako artikulu batean, aitortu du gizartean txertoekiko konfiantza galtzen ari dela, baina ez dagoela arrazoi zientifikorik horretarako.