Ainhoa Beola aukeratu du Gipuzkoako Aralarrek Donostiako alkatetzara aurkezteko. Atzo berretsi zuen proposamena batzarrak, Donostiako Miramar jauregian egindako bileran. Donostiako berdintasun eta hizkuntza normalkuntzarako zinegotzia da egun Beola.
Gipuzkoako Batzar Nagusietarako hautagaiak ere berretsi zituen atzo batzarrak. Iñigo Imaz, Patxi Aierbe, Rebeka Ubera eta Ernesto Merino aurkeztuko ditu Aralarrek batzarkide kargurako.
Jon Abril Aralarren koordinatzaileordearen esanetan, «hautagai ezin hobeak» dira bere alderdiak aurkeztu dituenak. Politika «beste modu batean egitea» posible dela adierazi zuen, eta horretarako lan egiteko eskatu zuen.
Beola izango da Aralarren Donostiako alkategaia
Gipuzkoako batzarkide izateko Iñigo Imaz, Patxi Aierbe, Rebeka Ubera eta Ernesto Merino aurkeztu ditu
Iruzkinak
Ez dago iruzkinik
Ordenatu
