BEROAK ATSEDEN EMANGO DU GAUR

Hiru eguneko sargoriaren ondoren, tenperaturak jaitsi egingo dira gaur. Euskalmeten iragarpenen arabera, zerua estali egingo da, Nafarroako hegoaldean izan ezik, eta euri pixka bat botako du Lapurdin eta Nafarroa Beherean. Barrualdean, 30 gradu zentigraduak gaindituko ditu, baina kostaldean, 25-26ra jaitsiko da. Askok eskertuko dute, azken egunotako beroaren ostean. Irudian, haur batzuk, atzo, Bilbon, Guggenheim inguruko iturrietan freskatzen.