Berri Txarrak Bermeon izango da, ON taldearekin batera, Kafe Antzokian. Elkarrizketa egin dio Gorka Urbizuri, Edu Larzanguren kazetariak, gaurko 'Berria'-n, eta besteak beste, 10. urteurrenean parte hartzeko arrazoiez aritu da: "Herri honek 'Berria' behar du. Gure alea jartzen saiatuko gara".
Metrokoadroka taldeak, berriz, Izpuran eskainiko du ' Zertarako hegoak' antzezlana, hain justu Herri Urratsen bezperan, Fausti Bentaberri gelan, gaueko 21:00etan. Atzo gauean Zallan izan zen, eta harrera ona izan zuen, orain arteko emanaldi guztietan bezalaxe. Ezertarako balio ez duten superbotereen inguruko hari batetik tiraka, umorez jositako gogoeta sustatzen du 'Zertarako hegoak' lanak. Ikus, Agus Perezen kritika.
