BERRIA, egunkaririk "neutralena" hauteskunde kanpainan

EHUko Kazetaritza Fakultateko hainbat irakaslek Eusko Legebiltzarrerako hauteskundeetako kanpaina egunkari batzuk nola jorratzen ari diren aztertu dute eta, haien arabera, BERRIA da "neutralena". Honez gain, Deia, Gara, El Correo, El Diario Vasco, El Mundo eta El Pais kazetak ere aztertu dituzte, eta Interneten paratu dute lana.

Gara D3M hautesle plataformaren baliogabetzean "zentratu" dela diote EHUko irakasleek, El Pais eta El Mundo PSE-EEren eta PPren arteko balizko gobernuaz aritu direla batik bat, "egunkari handiek" Juan Jose Ibarretxe EAJko lehendakarigaiaren "irudi negatiboa" islatu nahi izan dutela eta Patxi Lopez PSE-EEkoak duela haientzat "trataerarik onena"...

Miguel Angel Casado, Igor Filibi, Jone Martinez, Estefania Jimenez eta Iker Merodio irakasleek egin duute azterketa.