Azken bi hilabeteetan hiru aldiz erietxeratu dute Gimon. Otsail bukaeran emanen dute haren baldintzapeko eskaeraren erantzuna. Azaroaren 24an, baldintzapean aske geratzeko eskaera onartu zion epaileak, baina prokuradoreak dei egin zuen.
Elkarretaratzeak eginen dituzte datozen egunetan Gimon aske utz dezatela eskatzeko. Donibane Garazin ostiralean elkartuko dira, 19:00etan; Baionan, larunbatean, 11:00etan; eta, hilaren 20an, manifestazioa eginen dute Rennesen. Bagoaz-ek autobusak antolatu ditu Euskal Herritik, eta jakinarazi du Bretainiako norbanako eta kolektibo andanak ere parte hartuko duela.
